ԱՄՆ նախագահ Ջո Բայդենը հայտարարել է Ռուսաստանի դեմ պատժամիջոցների «առաջին տրանշի» մասին, որոնք, ըստ նրա, շատ ավելին են, քան 2014 թվականին Ռուսաստանի դեմ սահմանված պատժամիջոցները։
Նա հայտարարել է երկու խոշոր ռուսական բանկերի՝ VEB-ի եւ Ռուսաստանի ռազմական բանկի մասնակցությամբ առեւտրի արգելափակման միջոցների մասին:
ԱՄՆ նախագահը հայտարարել է նաեւ Ռուսաստանի տնտեսության մի մասը միջազգային ֆինանսական համակարգերից կտրելու միջոցների մասին։
Բայդենն ասել է, որ միջոցառումները «շատ ավելի գերազանցում են» նախորդներին եւ Ռուսաստանի կառավարությանը կզրկեն սուվերեն պարտքի արեւմտյան ֆինանսավորումից:
Բայդենն ասել է, որ մշտական կապի մեջ է եվրոպացի առաջնորդների, այդ թվում՝ Ուկրաինայի նախագահ Վլադիմիր Զելենսկու հետ, փոխանցում է BBC-ն։
«Մենք միասնական ենք Ուկրաինային աջակցելու հարցում։ Մենք միասնական ենք ռուսական ագրեսիայի դեմ մեր հակազդեցության հարցում. Մենք միասնական ենք ՆԱՏՕ-ի մեր դաշինքը պաշտպանելու մեր վճռականության հարցում»,- ասել է ԱՄՆ նախագահը։
Բայդենը հավելել է, որ մտադիր չէ պատերազմել Ռուսաստանի հետ, ընդ որում, խոստացել է «պաշտպանել ՆԱՏՕ-ի տարածքի ամեն մի դյույմ»։