Հոնկոնգի կինոթատրոնները հրաժարվել են ցուցադրել «Վինի Թուխ. Արյուն եւ մեղր» սարսափ ֆիլմը
Հոնկոնգում կինոթատրոնները հրաժարվել են ցուցադրել «Վիննի Թուխ. Արյուն եւ մեղր» սարսափ ֆիլմը, գրում է Reuters-ը՝ հղում անելով ֆիլմի տարածողին։
Ֆիլմը պետք է ցուցադրվեր մարտի 23-ին՝ 32 կինոթատրոններում։ VII Pillars Entertainment-ի դիստրիբյուտորը հայտարարել է, որ չգիտի միջադեպի պատճառը։ Reuters-ը նշում է, որ ավելի վաղ չինացի գրաքննիչները ուշադրություն են հրավիրել Ալան Միլնի հեքիաթների հերոսի վրա՝ մեմերի պատճառով, որոնցում կերպարը համեմատվում է Սի Ծինփինի հետ: Դրանք հայտնվել են 2013 թվականին, երբ Չինաստանի ղեկավարն այցելել է ԱՄՆ եւ հանդիպել նախագահ Բարաք Օբամայի հետ։
Հոնկոնգի կինոյի, թերթերի եւ հոդվածների վարչությունը (OFNAA) Reuters-ին հայտնել է, որ հաստատման վկայական է տրամադրել դիմողին: Հաստատման վկայականով ֆիլմեր ցուցադրելու Հոնկոնգի կինոթատրոնների որոշումը կոմերցիոն է, եւ OFNAA-ն դրանք չի մեկնաբանում, գործակալությունը հղում է անում վարչությանը։ Կինոթատրոնները չեն արձագանքել մեկնաբանության մասին Reuters-ի խնդրանքին:
Երեքշաբթի երեկոյան Moviematic-ը սարսափ ֆիլմի ցուցադրություն է կազմակերպել: Reuters-ի հաղորդմամբ՝ նա սոցցանցում հայտարարել է դրա չեղարկման մասին՝ վկայակոչելով տեխնիկական պատճառները։ Ֆիլմի ռեժիսոր Ռիս Ֆրեյք-Ուոթերֆիլդը հայտարարել է, որ ինչ-որ առեղծվածային բան է տեղի ունեցել։ «Կինոթատրոնները համաձայնել են ցուցադրել ֆիլմը, հետո իրարից անկախ եկել են մի որոշման։ Նման չէ պատահականության»,- ասել է նա։
Նրա խոսքով՝ հիմնարկները տեխնիկական պատճառներ են բերում։ Բայց ֆիլմը ցուցադրվել է աշխարհի ավելի քան 4000 կինոթատրոններում, եւ միայն Հոնկոնգի հաստատություններում են նման խնդիրներ ունեցել, ասում է մատկարարը։